..::Magic lovers::..


 
الرئيسيةدخولمكتبة الصوراليوميةس .و .جبحـثالتسجيلالمجموعات
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 108 بتاريخ الخميس 15 ديسمبر 2011, 10:24 pm
بحـث
 
 

نتائج البحث
 
Rechercher بحث متقدم
المواضيع الأخيرة
» استيكرات 2
الأحد 02 أغسطس 2015, 12:09 pm من طرف Magic

» استيكرات 1
الأحد 02 أغسطس 2015, 11:20 am من طرف Magic

» ده انا بخاف من الكلب يطلعلى اسد (شاهد ماشفش حاجة)
الأربعاء 20 مارس 2013, 1:13 am من طرف محمد الطيري

» معلومات دينية جميلة
الأربعاء 20 مارس 2013, 1:06 am من طرف محمد الطيري

» هل لي أن أنال شرف قبولكم وترحيبكم
الإثنين 07 يناير 2013, 4:19 pm من طرف Magic

» أقسي اللحظات
الجمعة 12 أكتوبر 2012, 3:49 am من طرف no.love.my

» فلسطين الحبيبة
السبت 31 مارس 2012, 6:25 pm من طرف Magic

» مشاهدة فيلم بون سواريه
الأربعاء 29 فبراير 2012, 8:06 am من طرف noor33

»  بانفراد تام : فيلم العيد " شارع الهرم " بطولة دينا وسعد الصغير
الخميس 15 ديسمبر 2011, 7:45 pm من طرف Magic

» فيلم الفانتازيا والمُغامرة الرائع The Twilight Saga: Breaking Dawn - Part 1 2011 مُترجم
الخميس 15 ديسمبر 2011, 7:23 pm من طرف Magic

» بتفكرك بايه؟؟؟؟ الاغنية دى.........!!!!!
الإثنين 28 نوفمبر 2011, 4:28 pm من طرف Donia Optics

» هتعرف تجاوب على السؤال من غير نعم أو لا ؟؟
الإثنين 28 نوفمبر 2011, 4:23 pm من طرف Donia Optics

» هاى انا جديدة
الخميس 24 نوفمبر 2011, 5:06 pm من طرف Magic

» مشاهدة فيلم نور عينى
الإثنين 14 نوفمبر 2011, 6:14 pm من طرف Magic

» مشاهدة فيلم بوبوس
الجمعة 28 أكتوبر 2011, 3:56 pm من طرف Magic

» مشاهدة فيلم ابراهيم الابيض
الجمعة 28 أكتوبر 2011, 3:54 pm من طرف Magic

» مشاهدة فيلم الفاجومى
الجمعة 28 أكتوبر 2011, 3:53 pm من طرف Magic

» مشاهدة فيلم اخر كلام
الجمعة 28 أكتوبر 2011, 3:50 pm من طرف Magic

» مشاهدة فيلم محترم الا ربع
الجمعة 28 أكتوبر 2011, 3:48 pm من طرف Magic

» مشاهدة فيلم هى فوضى
الجمعة 28 أكتوبر 2011, 3:46 pm من طرف Magic

أفضل 10 أعضاء في هذا المنتدى
hodhod ma2aleb - 6230
 
ROMA SINGER - 3430
 
banota gamela - 3110
 
dody no love - 3044
 
Magic - 3007
 
roro ruby - 2962
 
EMY>>>SHOSHO - 1887
 
ROKA.CRAZY.GIRL - 1795
 
mshmsh - 1613
 
Doda.M - 1300
 
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط على موقع حفض الصفحات

قم بحفض و مشاطرة الرابط ..::Magic lovers::.. على موقع حفض الصفحات

شاطر | 
 

 قصة واحدة طهقانة من نفسها

اذهب الى الأسفل 
كاتب الموضوعرسالة
Magic
..::العضو الذهبى::..
..::العضو الذهبى::..
avatar

ذكر
الميزان
عدد الرسائل : 3007
العمر : 28
المكان : مصر
الوظيفة : مهندس ان شاء الله
المزاج : كرة القدم
نقاط التميز : 10
اعلام الدول :
النادى :
نقاط : 41510
تاريخ التسجيل : 09/07/2007

مُساهمةموضوع: قصة واحدة طهقانة من نفسها   السبت 20 يونيو 2009, 8:14 pm

أنـا طهقـانـة


انا طهقانة من جوزي و عمايله وتصرفاته اللي تطهق بلد.. وهاحكيلكم عن عاملة من عمايله اللي تفرس


********


كنا قاعدين في كافيتريا فى مول كبير انا وهو على ترابيزة واحدة والاولاد راحو يلعبوا و مستنيين واحد صاحبه ومراته عازمينهم على العشا



و احنا قاعدين مستنيينهم قام يشتري سوفت درينك قبل ما ييجوا وساب موبيله
اخذت الموبيل ودعبست فيه لقيته كاتب اسمه في البلوتوث: الجامد


ايه يا ابن الايه جامد ايه ييجوا يشوفوا


رجعت الموبيل زي ما كان ولا كاني شفت حاجة وشوية و رجع وشوية كمان وصاحبه
ومراته وصلوا وانقسمنا فريقين الستات على ترابيزة والرجاله على ترابيزة


وانا قاعدة معاها فتحت البلوتوث بتاع موبيلي وكتبت الاسم: احب الجامد


ورحت باعتاله مسج دلع لقيته استقبلها وراقبته لقيت عنيه لمعت وبانت عليه السعادة والرغبة في البلبطة في بحر المغامرة


طيب لما نشوف حتوصل لحد فين


راح باعتلي مسج فيها رقم موبيله و سميل فيس


اوبّا.. بقى كده طيب استنى عليا اما لعبّتك على الشناكل


********


طلبت من صاحبتنا نقوم نتمشى ونلف على محلات الاكسسوارات وانتهزت الفرصة و
دخلت محل موبيل و اشتريت خط هوليداي من اللي بيشتغل 45 يوم و يفصل.. ورحت
مزوغة من صاحبتنا وهي بتسأل على اسعار حاجات في المحل و طلبته و غيرت صوتي
وكلمته بدلع واخنفيت


اصل انا لما اتدلع اخنف الله يمسيكي بالخير يا سكيننة


أنا: النووووو


هو(بدهوله و هطل): ا لل للو ايوة


أنا: الجامد؟


هو: اهلا اهلا


أنا: اسيك؟


هو: كويس ازيك انتي؟


أنا: كويسه انت قاعد فين ؟


هو: انا قدام محل ...... و ..و.............


أنا: ده انت قاعد قريب مني بقى


هو: اه.. بس انا قاعد مع واحد صاحبي


أنا: لابس ايه يا جامد


هو: لابس قميص ...و


أنا: اه شايفاك ده انت هاندسم خالص مالص


هو(بضحكة بلهاء): هاهاها متشكر يا قمر


عرف منين اني قمر الكذاب.. استنى عليا


أنا: طيب اشوفك تاني ازاي؟


هو: اتصلي بيا بس قبل 4 العصر بس استني انت قاعدة فين و لابسة اية و ..و


أنا: اشمعنى بعد 4 انت متجوز؟


هو: لا لا لا...بس علشان نبقى براحتنا


يانهار مش فايت.. امال 11 سنة جواز دول اية؟ والعيال اللي ملقحة دول مين؟


أنا: طيب يلا باي بقى


هو: استني عايز اشوفك انت قاعدة فين؟ و..و


انا قفلت الخط و بقيت عايزة اشتري ايد هون وانزل بيها على نافوخه بس مسكت نفسي و قلت والنبي لشخلعه واهشكه وافرجه


رجّعت الشريحة بتاعتي في الموبيل و اتصلت بصاحبتنا ورجعنا قعدنا على
الترابيزة معاهم وكبست على نفسه لحد ما روحنا وهو طول القاعدة عينه زايغة
و عمال يبص على كل واحدة حولينا فاكرها هي الزبونة اللي اتصلت.. وانا
قاعدة جانبه و لا حاسس بيا


و احنا مروّحين لقيته منشكح و منهرش و عمال يصفر ويطبل على الدريكسيون اكنّ فرح خالته


عاملت روحي مش مركزة و قعدت اتكلم مع العيال في اي كلام


تاني يوم.. راح الشغل و على الساعة 11 اتصلت بيه من الشريحة اياها


أنا: النوووو


هو: اهلا يا جميل


أنا: وحشتني


هو: انتي اكتر كده برضه متخلنيش اشوفك


أنا: استنى بس مش نتعرف الاول وبعدين نتقابل


هو: طيب حشوفك امتى


يا نهارك مش فايت و كمان عايز تقابلها مع سبق الاصرار والترصد


أنا: انت عندك كام سنة؟


هو: 30 سنة وكام شهر


يا ابن الكذابة مواليد 60 و لسة 30 سنة ليه كنت واخد عشر سنين اجازة رضاعة طفل


أنا: ياه انت كبير عليا انا 25


هو: وماله هو في احلى من كده


أنا: بس انا شايفة شعر ابيض في راسك امبارح؟


هو: ها ها ها ها لا ده من الخضة


أنا: هيهيهيهيهي


بدلع بس من جوه بابور مولع


هو: طيب انت بتشتغلي فين؟


أنا: حسب ساعات و ساعات


هو: طيب


قاطعته: باي بقى اكلمك بكرة في نفس الميعاد


وقفلت الخط وانا مولعة وفاضلي لتر بنزين وانفجر



***************



وفضلت كده اتصل اتدلع عليه و مديلهوش اي معلومات عني خمس ايام لحد يوم
الخميس وطبعا سمعني كلام عجب و كذب يودي كلية الطب وقالي نكت عمره ما
حكهالي وهراني مسجات معاكسة و ادالت وغرام و اخيرا فاض بيا وقلت لازم
اكشفه قدام نفسه


اتصلت


أنا: النووو


هو: اهلا يا حبي


حبي؟!! و انا كل ما اتصل بيه و انا مراته يقولي نعم يا ماما و لو حد ساله مين يقوله... البيت


أنا: فاضي بكرة الصبح عندي تدريب في الناتي وعايسة اشوفك


هو: طبعا الساعة كام


أنا: 12 كويس؟


هو: اوك يا قمر


أنا: اوك سلام


هو: استني بس حعرفك ازاي؟


أنا: زي ما قلتلك قبل ده انا شبه نيكول سابا بس للصراحة عنيا مش زارقة عنيا خضرا وحكون لابسة شورت تنس وبادي بينك


هو: اتفقنا يا قمر


وطبعا انا حسيت بالريالة بتنزل على سماعة التليفون وهو بيقول العبارة الاخيرة دي.. استنى اما نشفت ريقك


ولما روّح سبع البرومبة قلتله عايزين نفسح الاولاد بكرة يا بيسو


قالي: لا بكرة مش فاضي عندي مشوار واحد صاحبنا عنده المرارة و حيعمل عملية
و لازم اروح معاه علشان نعمل التحاليل اللي قبل العملية و..و...و


وعاملي قصة


قلتله: طيب اروح انا عند ماما بقى و لما تخلص ابقى تعالى اتغدى معانا


قالي: لا ما انا يمكن اتغدي معاه


كمان ناوي على غدا طيب حوقف اللقمة في زورك ان شاء الله



تاني يوم من الساعة 10 صحي و لبس و نزل مش عارفة ليه بدري كده بس احسن


اخدت العيال عند ماما وطلعت على النادي ولقيته مستني في المكان اللي
اتفقنا عليه وعمال يتصل برقم الزبونة و انا مش مركبة الشريحة اصلا


اتصلت بيه من موبيلي و قلتله


أنا: انت فين يا بابا


هو: ايوة...بزهق... ما انا قلتلك مع صاحبي


أنا: طيب انا بس حبيت اقولك اننا رحنا النادي علشان ماما عندها ضيوف


هو: اتسرع و اتلجلج و انا شايفاه حط ايده على راسه.. وقالي: نادي ايه؟


قلتله: النادي الفلاني


اللي هو نفس النادي بتاع الرونديفوه


هو: ليه كده الجو برد العيال حتعيا خديهم و روحي احسن


أنا: طيب طيب


بس وعنها و ركبت شريحة الزبونة واتصلت بيه


أنا: النوووو


هو: انت فين يا جميل الساعة 2 مش تيجي بقى


أنا: انت فين بالظبط


هو: جنب ملعب التنس زي ما اتفقنا


أنا: طيب انا جايه اهو فايف منتس


هو: اوك


بحماس منقطع النظير


و رحت واخده بعضي و عملت هجوم مباشر عليه من الخلف


وقلتله: بيسوووو انت هنا


هو اتلهى و اترزى و بقى عرقه مرقه و قالي انت ايه جابك هنا


أنا: انا روحت العيال علشان البرد و قلت اجي الف التراك الله امال فين
صاحبك.. وايه التسريحة الجميلة دي؟؟ انت رحت عند الحلاق؟ و صبغت كمان..
واو صغرت 5 سنين يا مضروب


هو: الفار لعب في عبه و قالي لا.. اصله.. اصل.. تعالى نروح ناخد العيال و نتغدى بره


انا دوست على ريديل وانا واقفة معاه من شريحة الزبونة واستمتعت بوشّه وهو
بيجيب الوان والعرق بيفط من سحنته وهو حاسس ان البت جت وحتطب علينا


قالي: يلاّ يلاّ الجو برد النهاردة


قلتله: مش حترد على التليفون


قالي: مش مهم بقى


قلتله: طيب استنى حروح التويلت و ارجعلك


قالي: طيب


و انتهز الفرصة وراح متصل على رقم الزبونة


رديت بصوتي الأصلي


أنا: الو


هو: بتردد..........انت فين؟


أنا: ما انا لسة قايلالك رايحة الحمام


هو: ايه.......... بصدمة


أنا: انت لسه معرفتش يا مدهول اني بشتغلك من اسبوع عاملي فالنتينو يا
بيسو.. طيب قبل ما تبص بره بص جوه.. صدق اللي قال زي القرع تمد لبره..
سلام بقى علشان رايحة اقابل الواد بتاعي


و طلعتله لساني بمنتهى الانشراح.. اللي يضحك في الاخر هو اللي يضحك اكتر


و قفلت التليفون ورحت عند واحدة صاحبتي اتغديت معاها وسبته طول اليوم يضرب روحه تلاتين صرمة

********

محدش يقولي سيبيه لاني بحبه رغم حركاته القرعة اللي تطهق.. بس.. بحبه

********

إمضاء: طهقانة
الرجوع الى أعلى الصفحة اذهب الى الأسفل
http://boody.allgoo.us
ROMA SINGER
..::العضو الذهبى::..
..::العضو الذهبى::..
avatar

انثى
السمك
عدد الرسائل : 3430
العمر : 25
المكان : فوق السحااااب
الوظيفة : طالبه
المزاج : nice
نقاط التميز : 7
النادى :
نقاط : 35990
تاريخ التسجيل : 05/12/2008

مُساهمةموضوع: رد: قصة واحدة طهقانة من نفسها   الأحد 21 يونيو 2009, 3:20 am

اشتغاله جامده مع انها مش بتنفع فى كل الناس ممكن تعمل على انتهاء علاقه اساسا لان دى عدم ثقه بالعكس المفروض اللى مش واثقه فيه تحاولى انك تبينيله انك واثقه فيه 100 فى الميه
بس قصه حلووووووووووه
الرجوع الى أعلى الصفحة اذهب الى الأسفل
MhYpar
..::عضو جديد::..
avatar

ذكر
الاسد
عدد الرسائل : 346
العمر : 26
المكان : cairo
الوظيفة : delar
المزاج : all drugs
اعلام الدول :
النادى :
نقاط : 32079
تاريخ التسجيل : 20/06/2009

مُساهمةموضوع: رد: قصة واحدة طهقانة من نفسها   الإثنين 22 يونيو 2009, 4:26 pm

هههههههههههههههه
حلوه ياجامد
بس القصه كبيره اوى وقال ايه
فى الاخر بتقول بردوه بحبوه
ياااااعم
فل عليك ونايس توبك
By :::::::::> MhYpar
lol! lol! afro
الرجوع الى أعلى الصفحة اذهب الى الأسفل
 
قصة واحدة طهقانة من نفسها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..::Magic lovers::.. :: ..::Funny Magic::.. :: ..::الماجيك للمرح والترفيه::..-
انتقل الى: